काठमाडौं । भारतीय जीवन बीमा नियामक आइआरडिएआइले एक पूनर्बीमा कम्पनीसहित १२ वटा बीमा कम्पनीलाई संचालनको इजाजत दिनेबारे अध्ययन गरिरहेको छ ।
संभावित कम्पनीहरुमा तीनवटा जीवन बीमा, आठवटा कृषि बीमा सहित निर्जीवन बीमा,र वैदेशिक संयुक्त लगानीको एक पुनर्बीमा कम्पनीको प्रस्तावबारे अध्ययन भइरहेको इन्डो एशियन समाचार सेवाले उल्लेख गरेको छ ।
ती मध्ये गो डिजिट जनरल इन्स्योरेन्स कम्पनीका प्रवर्द्धक कामेश गोयल र प्रेम वाट्सा (फेयरफ्याक्स फाइनान्सियल होल्डिङ्सका संस्थापक अध्यक्ष) जीवन र पुनर्बीमा क्षेत्रहरूमा प्रवेश गर्ने तयारी गरिरहेका छन्।
आइआरडिएआईमा आर वान र आर टु गरी दुई चरणमा प्रस्तावहरु प्राप्त भएका छन् । आर वान चरणमा नयाँ इजाजत लिनको लागी आवेदन फारम माग गर्दै नियामक समक्ष निवेदन दिने कम्पनीहरु रहेका छन् । आर टु अन्तर्गत बीमा व्यवसाय दर्ताको लागी नियामकले प्रस्ताव स्वीकार गरिसकेपछि दर्ता प्रमाणपत्र प्रदान गर्नको लागि आवेदन दिएका हुन्छन्।
पूनर्बीमक गो डिजिट रिइन्स्योरेन्सले आर टु आवेदनको लागी स्वीकृति पाइसकेको छ भने गो डिजिट जनरल इन्स्योरेन्सले आरवान आवेदन दर्ता गरेको छ ।
