काठमाडौं । हिमाल दोलखा हाइड्रोपावरको सञ्चालक अध्यक्षमा रञ्जना दाहाल नियुक्त भएकी छिन् । कम्पनीको असार २७ गते बसेको सञ्चालक समितिको निर्णयले दाहाललाई अध्यक्षमा नियुक्ति गर्ने निर्णय गरेको जनाएको छ ।
कम्पनीका सञ्चालक अध्यक्ष कल्याण बिक्रम न्यौपानेले स्वास्थ्यको कारण देखाउँदै असार २६ गते अध्यक्ष पदबाट राजीनामा दिएका थिए । सञ्चालक समितिको २७ गते बसेको बैठकले न्यौपानेको राजीनामा स्वीकृतिसँगै दाहाललाई सञ्चालक अध्यक्षमा नियुक्ति दिने निर्णय गरेको कम्पनीले जनाएको छ ।
