काठमाडौं । नबिल बैंकमा नेपाल बंगलादेश बैंक(एनबि बैंक) गाभिए पछि एकीकृत कारोबार शुरु नहुँदा १६ लाख भन्दा बढी ग्राहक प्रभावित भएका छन् ।
दुबै बैंकको ग्राहक कारोबारको तथ्यांक सफ्टवेयरमार्फत् एकीकृत गर्नको लागी डाटा माइग्रेशनको कार्य जारी रहेको हुँदा दुबै बैंकका ग्राहकले आइतबार र सोमबार दुई दिन अझै कुर्नुपर्नेछ ।
वित्तीय कारोबारको बढी चाप हुने असार मसान्तको समयमा दुबै बैंकले प्रदान गर्ने नियमित बैंकिङ सेवाको साथै मोबाइल बैंकिङ, इन्टरनेट बैंकिङ लगायतको सेवा ठप्प रहेको छ । दुबै बैंकहरुबीच एकीकृत कारोबारको लागी बैंकिङ तथ्यांकहरु एकीकरण गर्ने कार्य शुक्रबार अपरान्हबाट शुरु भएको हो ।
यी दुबै बैंक आपसमा गाभिएपछि बैंकको चुक्ता पूँजी करिव २३ अर्ब रुपैयाँ पुग्नेछ । साथै शाखा संजाल संख्या २ सय ३५ पुग्नेछ ।
