काठमाडौं । सेञ्चुरी कमर्सियल बैंक लिमिटेडले असार १ गतेदेखि २ हजार ८१८ कित्ता संस्थापक शेयर विक्री गर्ने भएको । उक्त शेयरमा असार ८ गतेसम्म आवेदन दिन सकिनेछ । शेयर खरीदका लागि विद्यमान संस्थापक शेयरधनी, सर्वसाधारण व्यक्ति, कम्पनी, संघ तथा संस्थाहरूले आवेदन दिन सक्नेछन् ।
उक्त शेयरको मुल्य प्रतिकित्ता १ सय रुपैयाँ तोकिएको छ । यस शेयर खरीदका लागि तोकिएको मूल्य वा सोभन्दा बढी मूल्य अंकित गरी बोलकबोल गर्न सकिनेछ । आवेदकहरूले यो शेयर खरीदका लागि आवेदन दिदा सम्पूर्ण कित्ताको माग गर्नु पर्नेछ ।
शेयर विक्री प्रबन्धकमा सेञ्चुरी क्यापिटल मार्केट्स लिमिटेड रहेको छ ।
