काठमाडौं । दुई इन्स्योरेन्स कम्पनी सहित पाँच कम्पनीले योग्य संस्थागत लगानीकर्ताको रुपमा कम गर्न नियामक निकाय नेपाल धितोपत्र बोर्डबाट स्वीकृत पाएका छन् । बोर्डले जेठ १० गते यी पाँच कम्पनीलाई योग्य संस्थागत लगानीकर्ताको रुपमा काम गर्न स्वीकृति प्रदान गरेको हो ।
योग्य संस्थागत लगानीकर्ताको रुपमा काम गर्न स्वीकृति पाएका कम्पनीहरुमा आईएमई जनरल इन्स्योरेन्स, अजोड इन्स्योरेन्स, सिभिल बैंक, आरबीबी म्युचुअल फण्ड १ र एनआइबीएल समृद्धि फण्ड २ रहेका छन् ।
अनुमति पाएसँगै अब यी कम्पनीहरुले बुक बिल्डिङ विधिबाट निष्काशन हुने कुनै पनि कम्पनीको प्राथमिक शेयर निष्काशनमा मूल्य निर्धारण प्रक्रियामा भाग लिन, डिबेञ्चर जारी गर्न र संस्थागत लगानीकर्ताका रूपमा शेयर किनबेच गर्न लगायतका कार्य गर्न पाउनेछन् ।
