काठमाडौं । भारतीय बीमा कम्पनीहरुले स्वास्थ्य बीमा योजना र अधिकांश निर्जीवन बीमा योजनाहरु लागू गर्नको लागी पूर्व स्वीकृति लिनु नपर्ने भएको छ । भारतीय बीमा नियामक आइआरडिएआईले आफ्नो वेबसाइटमा सार्वजनिक सूचना जारी गर्दै निर्जीवन बीमा कम्पनीहरुले कुनै पनि स्वास्थ्य बीमा योजना र अन्य बीमा योजनाहरु प्रचलनमा ल्याउनु अघि पूर्व स्वीकृति लिनु नपर्ने उल्लेख गरेको छ ।
यो नयाँ नियमका कारण बीमा कम्पनीहरुले बजार माग अनुसार छिटोछरितो बीमा योजनाहरु तयार पारेर प्रचलनमा ल्याउन सहज हुने आइआरडिएआइको अपेक्षा छ ।
नियामकले बीमा क्षेत्रले यो अवसरलाई अनुकूलित र नवीन विशेषताको बीमालेख तयार पार्न बजारको चलायमान आवश्यकतालाई सम्बोधन गर्न बीमितहरुलाई उपलब्ध विकल्पको दायरता बिस्तार गर्न प्रयोग गर्ने अपेक्षा गरेको छ ।
