काठमाडौं । आँखुखोला जलविद्युत कम्पनी लि को १३ औं र १४ औं बार्षिक साधारणसभा बस्ने भएको छ । २०७९ जेठ १८ गते बसेको सञ्चालक समितिको बैंठकले यहि असार १२ गते साधारण सभा बस्ने निर्णय गरेको हो ।
असार १३ गते सम्पन्न हुने साधारण सभामा कम्पनीले सम्पूर्ण शेयरधनीहरुलाई उपस्थितिका लागि अनुरोध गरेको छ । कम्पनीका अनुसार विहान ११ बजेदेखि सुरु हुने उक्त सभा नयाँ बानेश्वरस्थित अर्पण व्याङक्वेटमा सञ्चालन हुनेछ ।
कम्पनीले साधारणसभाको मार्फत विभिन्न प्रस्ताव उपर छलफल गर्नेछ । आर्थिक वर्ष २०७६/७७, २०७७/७८ को वार्षिक प्रतिवेदन पारित गर्ने, लेखापरिक्षण, नाफा नोक्सान हिसाब तथा नगद प्रवाह विवरण लगायतका विषयमा छलफल गर्ने कम्पनीले उल्लेख गरेको छ ।
विशेष प्रस्ताव अन्तर्गत भने सर्वसाधारण शेयरधनीअरुको प्रतिनिधित्व गर्ने गरी १ जना महिला र संस्थापक समुहको शेयरधनीको प्रतिनिधित्व गर्ने गरि ४ जना सञ्चालकहरुको चयन गर्ने कम्पनीले जनाएको छ ।
