काठमाडौं । चैत महिनाको तुलनामा बैशाख महिनामा जीवन बीमा कम्पनीहरुको जीवन बीमा व्यवसाय २४ प्रतिशतले घटेको छ । बैशाख महिनामा सम्पुर्ण जीवन बीमा कम्पनीको व्यवसायिक बृद्धि ऋणात्मक देखिएको छ । चैत महिनामा १० अर्ब ३४ करोड रुपैयाँ बीमा शुल्क आर्जन गरेका कम्पनीहरुले बैशाख महिनामा जम्मा ७ अर्ब ८६ करोड रुपैया मात्रै बीमा शुल्क आर्जन गरेका छन् ।
बैंकिङ प्रणालीमा देखिएको तरलत अभाव तथा आर्थिक मन्दीको असर शेयर बजारमा पनि देखा पर्न थालेको छ । चैत महिनामा तेस्रो त्रैमाशिक टार्गेट पुरा गर्दा केहि बढी व्यवसाय बढि देखिएको हुन सक्छ । तर बीमा कम्पनीहरुले हरेक महिनामा कर्मचारी, अभिकर्ताहरुलाई टार्गेट दिइरहेका हुन्छन् ।
गत चैत महिनामा मात्रै जीवन बीमा कम्पनीहरुले ३ अर्ब १० करोड रुपैयाँ प्रथम बीमा शुल्क आर्जन गरेका थिए तर बैशाख महिनामा २ अर्ब २५ करोड रुपैयाँ मात्रै छ । त्यस्तै गत चैतमा नविकरण बीमा शुल्क आर्जन ७ अर्ब २४ करोड रुपैयाँ थियो तर बैशाख महिनामा जम्मा ५ अर्ब ६० करोड रुपैयाँ मात्रै छ ।
बैशाख महिनामा सर्वाधिक धेरै प्राइम लाइफको व्यवसाय घटेको छ । एक महिनाको अवधिमा प्राइमको जीवन बीमा शुल्क आर्जन ४५ प्रतिशतले घटेर २५ करोड ४६ लाख रुपैयाँमा सिमित भएको छ ।
बैशाखमा सबैभन्दा धेरै नेपाल लाइफले एक अर्ब ९८ करोड रुपैयाँ बीमा शुल्क आर्जन गरेको छ । कम्पनीले चैतमा २ अर्ब ४४ करोड रुपैयाँ आर्जन गरेको थियो । समिक्षा अवधिमा १८ प्रतिशतले घटेको छ ।
गत चैतमा एक अर्ब ३३ करोड रुपैयाँ बीमा शुल्क आर्जन गरेको एलआइसी नेपालले बैशाख महिनामा एक अर्ब ६ करोड रुपैयाँ मात्रै आर्जन गरेको छ ।
हेर्नुहोस् कुन कम्पनीको कति सूचि
