काठमाडौं । चुनाव पछि बैंकिङ प्रणालीमा १३ अर्ब रुपैयाँ निक्षेप भित्रिएको छ । बजेट खर्च बढ्नुका साथै चुनावमा झिकिएको पैसा पुनः प्रणालीमा आउने क्रममा निक्षेप बढेको हो । जेठ पहिलो साता निक्षेप संकलन ७ अर्बले बढेकोमा दोस्रो सातामा भने ६ अर्बले बढेको छ ।
निक्षेपमा सुधार सँगै बाणिज्य बैंकहरुले ६ अर्बले कर्जा विस्तार गरेका छन् । पहिलो साता २ अर्ब मात्रै कर्जा लगानी गरेका बैंकहरुले दोस्रो सातामा ४ अर्ब लगानी गरेका छन् । जेठ १३ गतेसम्ममा बाणिज्य बैंकहरुले ४३ खर्ब ८३ अर्ब रुपैयाँ कर्जा निक्षेप संकलन गरेका छन् । बैंकहरुले यहि अवधिसम्ममा ४१ खर्ब ९८ अर्ब रुपैयाँ कर्जा लगानी गरेका छन् ।
बैंकिङ प्रणालीमा निक्षेप बढे सँगै सिडी रेसियोमा पनि केहि सुधार हुने संकेत देखिएको छ । बैंकहरुको सिडी रेसियो ९०.४१ प्रतिशत छ ।
