काठमाडौं । नबिल बैंक लिमिटेडको २८ हजार ९८५ कित्ता संस्थापक शेयर आजदेखि लिलामीमा विक्री खुला गरेको छ । बैंकले अशोक कुमार अग्रवालको नाममा रहेको ९ हजार ४२८ कित्ता, त्रिलोक चन्द्र अग्रवालको नाममा रहेको १० हजार ९५१ कित्ता र तुलसीराम अग्रवालको नाममा रहेको ८ हजार २१० कित्ता संस्थापक शेयर विक्री गर्ने भएको हो ।
बैंकले उक्त शेयर विक्रीका लागि ३५ दिने सूचना जारी गरेको हो । उक्त शेयर खरीदका लागि विद्यमान संस्थापक शेयरधनीहरुले मात्र आवेदन दिन सक्नेछन् ।
ईच्छुक संस्थापकहरुले तोकिएको अवधिभित्र के कति रेट कति कित्ता खरीद गर्ने हो सो समेत खुलाई बैंकको केन्दिय कार्यालय तिनधारा, काठमाडौं स्थित कम्पनी सचिवको कार्यालयमा निवेदन पेश गुर्न पर्नेछ ।
तोकिएको अवधिभित्र विद्यमान संस्थापक शेयरधनीहरुबाट आवेदन प्राप्त नभएमा भने अन्य व्यक्ति तथा संस्थाहरुलाई विक्री गर्ने बैंकले जनाएको छ ।
