काठमाडौं । विन नेपाल लघुवित्त वित्तीय संस्था लिमिटेडले प्रस्ताव गरेको लाभांश संशोधन गरेको छ । कम्पनीले यसअघि आर्थिक वर्ष २०७७र ७८ को मुनाफाबाट आफ्ना शेयरधनीलाई कुल ११ दशमलव ५ प्रतिशत लाभांश वितरण गर्ने प्रस्ताव गरेको थियो । अब कम्पनीले ९ दशमलव ८३ प्रतिशत लाभांश वितरण गर्ने भएको हो ।
यसअघि कम्पनीले ६ करोड १५ लाख पूँजीको आधारमा ११ प्रतिशत बोनश शेयर र कर प्रयोजनका लागि शून्य दशमलव ५ प्रतिशत नगद लाभांश वितरण गर्ने निर्णय गरेको थियो । कम्पनीको चैत १३ गतेको सञ्चालक समितिले गरेको उक्त निर्णय कम्पनीको बैशाख २९ गतेको सञ्चालक समितिको बैठकले संशोधन गरेको हो ।
संशोधित लाभांश अनुसार कम्पनीले साविकको विन लघुवित्त वित्तीय संस्था र नेपाल सेवा लघुवित्त वित्तीय संस्था मर्जपश्चात् कायम चुक्तापूँजी ७ करोड २४ लाख ४१ हजारको आधारमा ९ दशमलव ३३ प्रतिशत बोनश शेयर र कर प्रयोजनका लागि शून्य दशमलव ५ प्रतिशत नगद लाभांश वितरणको प्रस्ताव गरेको हो ।
प्रस्तावित लाभांश पारितका लागि कम्पनीले जेठ २० गते साधारण सभा आयोजना गर्ने भएको छ ।
