काठमाडौं । सिइडिबि हाइड्रोपावर डेभलपमेण्ट कम्पनीले चालू आर्थिक वर्षको तेस्रो त्रैमासको वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको नाफा चालू आर्थिक वर्षको दोस्रो त्रैमासको तुलनामा ४९ प्रतिशतले नाफा वृद्धि भएको छ ।
कम्पनीले गत पुस मसान्तसम्ममा ७ करोड १५ लाख नाफा कमाएकोमा चालू आर्थिक वर्षको चैत मसान्तसम्म बढेर १० करोड ७० लाख पुगेको हो । कम्पनीको आम्दानीमा वृद्धि भएकाले नाफा बढ्न टेवा पुगेको हो ।
चालू आर्थिक वर्षको चैत मसान्तसम्म कम्पनीको ब्याज आम्दानी ४ करोड ७६ लाख रहेको छ । त्यस्तै सेवा शुल्क १० करोड ७१ लाख रहेको छ । कम्पनीको चुक्तापूँजी ८३ करोड ९४ लाख रहेको छ भने जगेडामा ३७ करोड ३७ लाख सञ्चित गरेको हो ।
चैत मसान्तसम्म कम्पनीको प्रतिशेयर आम्दानी १७ रुपैयाँ शून्य १ पैसा, मूल्य आम्दानी अनुपात ४५ दशमलव ३८ गुणा, तरलता अनुपात ९ दशलमव ४२ प्रतिशत र प्रतिशेयर नेटवर्थ १४४ रुपैयाँ ५३ पैसा रहेको छ ।
