महेन्द्रनगर । डिशहोम फाईवरनेटको बिक्री तथा सेवा प्रदान गर्न सुख्खडसल, महेन्द्रनगर डिशहोम फाईवरनेट सोरुमको उद्धघाटन गरिएको छ । उक्त सोरुमको सञ्चालन भने दिपक ट्रेडर्सले गर्ने डिश होमले जनाएको छ ।
सोरुम उद्धघाटन डिशहोमका तर्फवाट एरिया म्यानेजर निर्मल आचार्य, सेल्स अफिसर कमल रिमाल, सर्बिस सेन्टर सुपर भाईजर ज्योती फार्सवान , रि–एलाईमेन्ट टेक्निसियन अनुज भट्ट र डिलरका म्यानेजर जगदिश भट्टको उपस्थितिमा सम्पन्न भएको थियो ।
विगत लामो समय देखि डिश मिडिया नेटवर्कसँग सहकार्य गरि डिशहोमको डिटिएच सेवा ग्राहकहरुमाझ पुर्याउँदै आएको दिपक ट्रेडर्सले अब डिशहोम फाईवरनेट बिक्री र बिक्रीपछिको सेवा नयाँ सोरुम मार्फत दिने भएको छ ।
२०० सय भन्दा धेरै ग्राहकलाई डिशहोम फाईवरनेटको सेवा उपलब्ध गराईसकेको दिपक ट्रेडर्स अझ बढी ग्राहकहरू माझ पुग्नका लागि यस नयाँ सोरुमले मद्दत गर्ने दिपक ट्रेडर्सका सञ्चालक दिपक प्रसाद भट्टले बताए ।
