काठमाडौं । लुम्बिनी विकास बैंक लिमिटेडले थप दुई शाखाको उद्घाटन गरेको छ । नयाँ खोलिएका शाखाहरुमा काठमाडौं महानगरपालिका वडा नं. १३ स्थित कलंकी शाखा र नुवाकोट जिल्ला बिदुर नगरपालिका वडा नं.२, स्थित बट्टार शाखा रहेका छन् ।
बैंकको कलंकी शाखाको उद्घाटन बिकास बैंकका सञ्चालक समितिका अध्यक्ष दशरथ रिसालले गरेका हुन् । साथै बट्टार शाखाको उद्घाटन भने बैंकका सञ्चालक चिन्तामणि भट्टराइ र नुवाकोट उद्मोग वाणिज्य सघंका अध्यक्ष तारा बहादुर कार्की ले संयुक्त रुपमा गरेका हुन् ।
नयाँ खोलिएको दुई शाखा सहित यस बिकास बैंकले देशको ७ वटै प्रदेशमा ८१ वटा शाखाहरु मार्फत कारोबार गर्दै आएको छ । निकट भविष्यमा कपिलवस्तुको चन्द्रौटा,बर्दियाको ताराताल,कैलालीको लम्की र मसुरिया एवं कंचनपुरको बाणी समेत थप ५ शाखा खोल्नको लागी तयारी रहेको बैंकले जनाएको छ । लुम्बिनी विकास बैंकले “निरन्तर सहयात्रा ” भन्ने नाराका साथ उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दै आईरहेको छ । ग्राहकहरुलाई अधिकतम प्रतिफल दिने उद्धेश्यले बैंकले मुद्दती खातामा “मासिक” रुपमा ब्याज प्रदान गर्ने बिशेष योजना समेत कार्यान्वयनमा ल्याएको छ ।
