काठमाडौं । सिवाईसी नेपाल लघुवित्तले निष्काशन गरेको आइपीओ बाँडफाँड सम्पन्न भइसकेको छ । बिक्रि प्रबन्धक ग्लोबल आइएमई क्यापिटलका अनुसार आइपीओ नतिजा भने केही समयपछि मात्र हेर्न मिल्नेछ ।
आइपीओ नतिजा चार वटा साइटबाट हेर्न सकिनेछ । जसअनुसार ग्लोबल आइएमई क्यापिटलको वेबसाइट, सिडीएससीको मेरो शेयरको वेबसाइट, सिडीएसले आइपीओको लागि संचालन गरेको वेबसाइटबाट र सिवाईसी नेपाल लघुवित्तको वेबसाइटबाट हेर्न सकिने छ ।
नतिजा ग्लोबल आइएमई क्यापिटलको वेबसाइट https://www.globalimecapital.com/menu/ipo-fpo-share-allotment-check, सिडीएससीको मेरो शेयरको वेबसाइट http://meroshare.cdsc.com.np/#/login, सिडीएसले आइपीओको लागि संचालन गरेको वेबसाइट http://iporesult.cdsc.com.np बाट र सिवाईसी नेपाल लघुवित्तको वेबसाइट https://cycnlbsl.org.np/ बाट हेर्न सकिने छ ।
क्यापिटलका अनुसार आइपीओमा कुल २२ लाख ५ हजार ६ सय ६३ जनाको आवेदन परेको थियो । जसमध्ये ३ हजार २ सय ७२ जनाको आवेदन रद्द भएको छ । योग्य रहेका २२ लाख २ हजार ३ सय ६१ जना आवेदकलाई गोलाप्रथाबाट आइपीओ बाँडफाँड गरिएको छ ।
जसअनुसार गोलाप्रथाबाट ३६ हजार ९ सय ४८ जनाले १० कित्ताको दरले शेयर पाएका छन् । जसमध्ये ८ जनाले थप १ कित्ता गरी ११ कित्ता शेयर पाएका छन् । यस हिसाबमा आवेदन दिएकामध्ये २१ लाख ६८ हजार ६ सय ८५ जना आवेदकको हात खाली भएको छ ।
