२ वटा लघुवित्त कम्पनीले आईपिओ निष्काशनका लागि नेपाल धितोपत्र बोर्डमा आवेदन दिएका छन् । आत्मानिर्भर लघुवित्त र अभियान लघुवित्तले शेयर निष्काशनको अनुमति माग गर्दै बोर्डमा आवेदन दिएका हुन् ।
२ करोड ३ लाख ३८ हजार रुपैयाँ बराबरको २ लाख ३ हजार ३ सय ८० कित्ता शेयर निष्काशनको अनुमति माग गर्दै आत्मानिर्भर लघुवित्त कम्पनीले चैत्र २१ गते बोर्डमा आवेदन दिएको हो । कम्पनीको शेयर निष्काशनका लागि सनराइज क्यापिटल बिक्रि प्रबन्धक रहेको छ ।
यसैगरी अभियान लघुवित्तले ९ करोड ७५ लाख बराबरको ९ लाख ७५ हजार कित्ता शेयर निष्काशनको अनुमति माग गरेको छ । कम्पनीको शेयर निष्काशनको लागि मुक्तिनाथ क्यापिटल बिक्रि प्रबन्धक रहेको छ । कम्पनीले चैत्र ३० गते बोर्डमा आवेदन दिएको हो ।
