काठमाडौं । नविल बैंकको मुनाफामा ८.९१ प्रतिशतले गिरावट आएको छ । बैंकले चालु आर्थिक वर्ष २०७८/७९ को तेस्रो त्रैमाशिक अवधिमा तीन अर्ब ६७ करोड रुपैयाँ मुनाफा आर्जन गरेको छ । जवकी गत आर्थिक वर्षको यहि अवधिमा बैंकले तीन अर्ब ६७ करोड रुपैयाँ मुनाफा आर्जन गरेको थियो । वितरण योग्य मुनाफा भने २ अर्ब १६ करोड रुपैयाँ छ ।
समिक्षा अवधिमा खुद व्याज आम्दानी २९.३० प्रतिशतले बढे पनि नाफा भने घटेको हो । यस अवधिमा बैंकले ६ अर्ब ५९ करोड रुपैयाँ आम्दानी गर्न सफल भएको छ । गत वर्षको यहि अवधिमा ५ अर्ब ९ करोड रुपैयाँ थियो । वर्ष सम्भावित जोखिम बापत ६१ करोड ५० लाख रुपैयाँ प्रोभिजनिङ गर्नु पर्दा मुनाफामा गिरावट देखिएको हो ।
गत असारको तुलनामा बैंकको निक्षेप संकलन ४.८१ प्रतिशतले सुधार हुँदा कर्जा विस्तार भने १२.१० प्रतिशतले बढेको छ । समिक्षा अवधिमा बैंकले २ खर्ब ३४ अर्ब रुपैयाँ निक्षेप संकलन गरी २ खर्ब २१ अर्ब रुपैयाँ कर्जा प्रवाह गरेको छ ।
बैंकको चुक्ता पूँजी १८ अर्ब ४९ करोड रुपैयाँ पुगेको छ भने जगेडा कोषमा १६ अर्ब ६९ करोड रुपैयाँ जम्मा भएको छ । खराव कर्जा १.१४ प्रतिशत पुगेको छ । गत वर्ष खराव कर्जा जम्मा ०.४८ प्रतिशत थियो । प्रतिशेयर आम्दानी ३५ रुपैयाँबाट २४ रुपैयाँमा झरेको छ ।
