मनोज न्यौपाने बने सेञ्चुरी कमर्शियल बैंकको सिइओ

काठमाडौं । सेञ्चुरी कमर्शियल बैंकको प्रमुख कार्यकारी अधिकृतमा मनोज न्यौपाने नियुक्त भएका छन् । आज चैत्र ३० गते बसेको संचालक समितिको बैठकले बैशाख २ गतेदेखि लागु हुने गरि न्यौपानेलाई सिइओमा नियुक्त गरेको हो ।

यस अघि न्यौपाने कायम मुकायम प्रमुख कार्यकारी अधिकृतको जिम्मेवारीमा रहेका थिए । बैंकका सीइओ तुलसी राम गौतमले राजिनामा दिएपछि गत साउन १ गतेदेखि कायम मुकायम प्रमुख कार्यकारी अधिकृत थिए ।