काठमाडौं । जानकी फाइनान्सले ५१ हजार ३५ कित्ता संस्थापक शेयर विक्री गर्ने भएको छ । कम्पनीले अशोक कुमार शाहको नाममा रहेको उक्त शेयर विक्री गर्न लागेको हो ।
कम्पनीले उक्त शेयर खरीद गर्नका लागि पहिलो प्राथमिकता संस्थापक शेयरधनीलाई दिनुपर्ने भएकाले ईच्छुक संस्थापक शेयरधनीले सूचना प्रकाशित भएको मितिले ३५ दिनभित्र आवश्यक कागजातसहित जानकारी गराउन कम्पनीले आग्रह गरेको छ ।
यस अवधिमा संस्थापक शेयरधनीको निवेदन नआएमा प्रचलित कानून बमोजिम अन्य व्यक्तिलाई विक्री गर्ने कम्पनीले जनाएको छ ।
