काठमाडौं । राष्ट्रिय स्तरका बाणिज्य बैंकहरुले चैत तेस्रो सातामा एक अर्ब रुपैयाँले निक्षेप बढाउदा कर्जा भने ६ अर्ब रुपैयाँले विस्तार गरेका छन् । बैंकहरुले कर्जाको माग अनुसार निक्षेप संकलन गर्न नसक्दा सिडी रेसियो हरेक साता बढ्ने गरेको छ ।
यस सातामा पनि सिडी रेसियो ९१.२० प्रतिशत छ । नेपाल राष्ट्र बैंकको निर्देशन अनुसार बाणिज्य बैंकहरुले असार मसान्तभित्र ९० प्रतिशतमा झार्नु पर्नेछ । प्रणालीमा निक्षेप नआउदा बैंकहरुलाई कर्जाको दवाव छ । कर्जाको माग जतिसुकै भए पनि अहिले लगभग कर्जा प्रवाह ठप्प जस्तै छ । चैत १८ गतेसम्ममा बैंकहरुले ४३ खर्ब ३० अर्ब रुपैयाँ निक्षेप संकलन गरी ४१ खर्ब ७५ अर्ब रुपैयाँ कर्जा लगानी गरेका छन् ।
