काठमाडौं । आज शेयर बजार नेप्से परिसूचक ४६ दशमलव ४६ अंकले घटेर २,४५२ दशमलव ०६ को विन्दुमा कायम भएको छ । आज २ अर्ब ६७ करोड १२ लाख ३२ हजार रुपैयाँको शेयर कारोबार हुँदा सबैभन्दा धेरै हिमालयन डिष्टीलरीको कारोबार भएको छ । कम्पनीको ९ करोड ६७ लाख रुपैयाँको शेयर करोबार भएको छ ।
त्यस्तै, नविल बैंकको ८ करोड ५९ लाख रुपैयाँको शेयर कारोबार भएको छ । नेपाल लाइफ इन्स्योरेन्स कम्पनीको ८ करोड १३ लाख रुपैयाँको शेयर कारोबार भएको छ । सुर्या लाइफ इन्स्योरेन्स कम्पनीको ७ करोड ७३ लाख रुपैयाँको शेयर कारोबार भएको छ ।
