काठमाडौं । मल्पी इन्टरनेशनल कलेजको सेन्टर फर फाइनान्स, बैंकिङ एण्ड इन्स्योरेन्सले लगानी साक्षरता सम्बन्धी बुटक्याम्प सम्पन्न गरेको छ । ६ दिनसम्म सञ्चालन भएको उक्त बुटक्याम्पमा शेयर बजारमा तत्काल लगानी कसरी सुरु गर्ने भन्ने बारे आवश्यक आधारभूत कुराहरुको जानकारी दिइएको थियो ।
लगानी साक्षरता बुटक्याम्पको अवधिभर एनआइबीएल एसीइ क्यापिटल लिमिटेड, अनलाइन सेक्युरिटि प्रा. लि का विशेषज्ञहरुले लगानी सम्बन्धी जानकारी प्रदान गरेका थिए । साथै सहभागीहरुले राखेका जिज्ञासा साथै प्रश्नहरुको बारे विशेषज्ञहरुले सम्बोधन गरेका थिए ।
मल्पीले साक्षरता बुटक्याम्पमा सहभागी सबैलाई प्रमाणपत्रको व्यवस्था गरेको थियो ।
