काठमाडौं । माछापुच्छ्रे बैंकले १ लाख ६४ हजार १३१ कित्ता संस्थापक शेयर विक्री गर्ने भएको छ । कम्पनीले कम्पनीका संस्थापक शेयरधनी भरत कुमार श्रेष्ठको नाममा रहेको १ लाख ६४ हजार १३१ कित्ता संस्थापक शेयर विक्री गर्न लागेको जनाएको छ ।
उक्त शेयरको मूल्य भने तोकिएको छैन । उक्त शेयर खरीद गर्न इच्छुक यस कम्पनीका हाल कायम रहेका संस्थापकहरुले सूचना प्रकाशित भएको मितिले ३५ दिनभित्र कम्पनीको केन्द्रीय कार्यालय, पुतलीसडक, काठमाडौंको शेयर विभागमा आफूले खरीद गर्न चाहेको मूल्य र शेयर संख्या खुलाई निवेदन पेश गर्न आग्रह गरेको छ ।
उक्त समय अवधिमा विद्यमान संस्थापकबाट शेयर खरीद गर्न निवेदन नआएमा अन्य व्याक्ति संघ संस्थालाई उक्त शेयर विक्री गर्ने कम्पनीले जनाएको छ ।
