काठमाडौं । चिलिमे जलविद्युत् कम्पनी लिमिटेडले शेयरधनीको हितग्राही खातामा बोनश शेयर जम्मा गरिदिएको छ । कम्पनीले गत पुस २३ गते सम्पन्न २५औं साधारण सभाबाट पारित ७ दशमलव ५ प्रतिशत बोनश शेयर फागुन २३ गतेदेखि शेयरधनीको हितग्राही खातामा जम्मा गरिदिएको कम्पनीले जनाएको छ ।
कम्पनीले साधारण सभा प्रयोजनका लागि बुक क्लोजको समयसम्म शेयर अभौतिकीकरण गराएका शेयरधनीको हितग्राही खातामा उक्त बोनश शेयर जम्मा गरिदिएको र भौतिक शेयर धारण गरेका शेयरधनीको हकमा पनि शेयर अभौतिकीकरण गराए पश्चात स्वतः सम्बन्धित शेयरधनीको हितग्राही खातामा शेयर जम्मा गरिने भएकाले शेयर अभौतिकीकरण गराउन आग्रह गरेको छ ।
कम्पनीको शेयर रजिष्ट्रारमा सिद्धार्थ क्यापिटल लिमिटेड रहेको छ ।
