काठमाडौं । कामना सेवा विकास बैंकले पहिलो पाइला नेपालको सहकार्यमा नवलपरासीको सुनवल–१ स्थित सुनवल माध्यमिक विद्यालयमा अध्ययनरत विद्यार्थी र कास्कीको पोखरा महानगर–१९ पुरुञ्चौरका महिला समूहलाई लक्षित गरी प्रजनन स्वास्थ्यसम्बन्धी जानकारी गराउनुका साथै निःशुल्क स्यानिटरी प्याड वितरण गरेको छ ।
बैंकले संस्थागत सामाजिक उत्तरदायित्व अन्तर्गत अन्तर्राष्ट्रिय नारी दिवस अवसरमा प्रजनन स्वास्थ्यसम्बन्धी जानकारी र स्यानिटरी प्याड उपलब्ध गराएको हो ।
महिला तथा किशोरीलाई प्रजनन स्वास्थ्य तथा यौनसँग सम्बन्धित विषयबारे जानकारी गराउने उद्देश्यले कार्यक्रम आयोजना गरिएको बैंकले बताएको छ ।
