काठमाडौं । वोमी लघुवित्त वित्तीय संस्थाले आफ्नो स्थापनाको १० वर्ष सफलतापुर्वक पार गरेको छ । कम्पनीले यस अवधिसम्ममा आफ्नो सेवा विस्तारलाई दरिलो बनाउँदै ११ औं वर्षमा प्रवेश गरेको छ । यस अवधिसम्ममा कम्पनीले ८९ वटा शाखा विस्तार गरी आफ्नो उपस्थितीलाई ६ वटा प्रदेशमा विस्तार गरिसकेको छ भने ४२ वटा जिल्लामा सेवा पुर्याएको छ ।
त्यस्तै, यस अवधिमा कम्पनीले ८९ हजार ९४९ जना ग्राहकवर्गहरुलाई प्रत्यक्ष रुपमा सेवा प्रदान गर्दै आएको छ । यस अवधिमा कम्पनीको लगानीमा रहेको कर्जा ५ अर्ब ७७ करोड रुपैयाँ रहेको छ । बचत रकम २ अर्ब १४ करोड रहेको छ भने यस कम्पनीले ५२९ जनालाई रोजगारी प्रदान गर्दै आएको छ ।
यस अवधिमा कम्पनीले निरन्तर सल्लाह सहयोग र उत्प्रेरण दिने नियामक निकाय, सेवाग्राही, प्रत्यक्ष वा अप्रत्यक्ष रुपमा सहयोग गर्ने संघ संस्थाहरु शेयरधनी, संस्थामा कार्यरत कर्मचारीप्रति कम्पनीले कृतज्ञता प्रदान गरेको छ ।
साथै लघुवित्त सेवाका माध्यमबाट गरिबी न्युनीकरणमा योगदान गर्ने मुल उद्देश्यका साथ केन्द्रीत भई सेवा प्रवाह गर्ने प्रतिवद्धता रहेको कम्पनीले बताएको छ ।
