काठमाडौं । समता घरेलु लघुवित्त वित्तीय संस्था लिमिटेडले एफपीओ निष्काशन गर्ने भएको छ । कम्पनीले एफपीओ निष्काशनका लागि विक्री प्रबन्धक नियुक्त गर्ने कार्य सम्पन्न गरेको हो ।
विक्री प्रबन्धक आरविवि मर्चेन्ट बैंकिङ्ग लिमिटेड र निष्काशनकर्ता कम्पनी बीच एफपीओ विक्रीको सम्झौता भएको हो । उक्त सम्झौतामा समता घरेलु लघुवित्त वित्तिय संस्थाको तर्फबाट प्रमुख कार्यकारी अधिकृत डा।मदन घिमिरे र आरविवि मर्चेन्ट बैंकिङ्गतर्फबाट प्रमुख कार्यकारी अधिकृत बद्रि प्रसाद प्याकुरेलले हस्ताक्षर गरेका हुन् ।
साविक समता लघुवित्त वित्तीय संस्था र साविक घरेलु लघुवित्त वित्तीय संस्था लिमिटेड बीच मर्जर प्रक्रिया सम्पन्न भई २०७८ साल वैशाख २ गतेदेखि एकीकृत कारोबार गरेका हुन् ।
मर्जरपश्चात बनेको समता घरेलु लघुवित्तले शेयर स्वामित्व संस्थापकतर्फ ७० प्रतिशत र सर्वसाधारणतर्फ ३० प्रतिशत कायम गर्न एफपीओ निष्काशन गर्ने भएको हो ।
कम्पनीले २ लाख ८९ हजार ४४० कित्ता एफपीओ निष्काशनका लागि विक्री प्रबन्धक नियुक्त गरेको जानकारी दिएको छ ।
