काठमाडौं । सिद्धार्थ बैंकले शेयरधनीको हितग्राही खातामा बोनश शेयर जम्मा गरिदिएको छ । कम्पनीले पुस ३० गते सम्पन्न २०औं वार्षिक साधारण सभाबाट पारित १४ दशमलव २५ प्रतिशत बोनश शेयर फागुन १५ गतेदेखि शेयरधनीको हितग्राही खातामा जम्मा गरेको जनाएको छ ।
बुक क्लोजको समयमा शेयर अभौतिकीकरण गराएका शेयरधनीको हकमा सम्बन्धित हितग्राही खातामा नै उक्त बोनश जम्मा गरिदिएको र सो मितिपछि शेयर अभौतिकीकरण गराएका शेयरधनीको हकमा पनि क्रमशः बोनश शेयर जम्मा हुने बैंकले जनाएको छ ।
साथै, हालसम्म पनि शेयर अभौतिकीकरण नगरेका शेयरधनीले शेयर अभौतिकीकरण गराएपछि मात्र आफ्नो बोनश शेयर हितग्राही खातामा नै प्राप्त गर्न सक्नेछन् । कम्पनीको शेयर रजिष्ट्रारमा सिद्धार्थ क्यापिटल रहेको छ ।
