काठमाडौं । डिम्याट खाता खोल्नेको संख्या ५० लाख नाघेको छ । प्राथमिक बजारमा लगानीकर्ताको आकर्षण बढे सँगै डिम्याट खाता खोल्नेको संख्या बढेको हो । सिडिएससीका अनुसार आजसम्ममा ५० लाख ७ हजार २४२ जनाले डिम्याट खाता खोलेका छन् ।
केहि वर्षदेखि लगानीकर्ताको आकर्षण आइपिओमा देखिएको छ । प्राथमिक बजारमा १०० रुपैयाँमा खरिद गरेको शेयर दोस्रो बजारमा बिक्री गरेर सयौ गुणासम्मको लाभ पाइने भएपछि उनिहरु आकर्षित भएका हुन् । प्राथमिक बजारमा खरिद गरेको माइक्रोइन्स्योरेन्स कम्पनी प्रति कित्ता ५५ सय रुपैयाँभन्दा माथि पुगेको पाइन्छ । यस आधारमा पनि कम्पनीको शेयर पर्दा लगानीकर्ताले ५०/५५ हजार रुपैयाँसम्म कमाएका छन् ।
