काठमाडौं । आज बिहिबार सुनको भाउमा भारी वृद्धि आएको छ । हिजो बुधबार तोलामा ९६ हजार ५ सय रुपैयाँमा कारोबार भएको छापावाला सुनको भाउ आज तोलामा एकैपटक २५ सय रुपैयाँले बढेर प्रतितोला ९९ हजार रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यस्तै, तेजाबी सुनको भाउ पनि तोलामा २५ सय रुपैयाँले नै बढेर प्रतितोला ९८ हजार ५ सयमा कारोबार भइरहेको छ । आज चाँदीको भाउ पनि तोलामा ३५ रुपैयाँले बढेर तोलाको १३ सय ५५ रुपैयाँमा कारोबार भइरहेको छ ।
