काठमाडौं । बुधबार नेप्से सूचक १५.५० अंकले घट्दा दिव्यश्वरी हाइड्रोपावरको शेयरमा भने सकारात्मक सर्किट लागेको छ । आज दिव्यश्वरी कम्पनीका शेयर धनीले सर्वाधिक धेरै कमाएका छन् । दिव्यश्वरी हाइड्रोपावरको शेयर मूल्य ३२ रुपैयाँ ७० पैसाले बढेर ३५९ रुपैयाँ ७० पैसामा कारोबार भएको छ । यसैगरी दिव्यश्वरीलाई पछ्याउँदै युनाइटेड इदी मार्दीको शेयरमा पनि सर्किट लागेको छ । यो कम्पनीको शेयर मूल्य ९१ रुपैयाँ ८० पैसाले बृद्धि भई प्रति १ हजार १० रुपैयाँ १० पैसामा कारोबार भइरहेको छ ।
यसैगरी आज घलेम्दी हाइड्रोपावरका शेयर धनीले पनि सर्वाधिक धेरै कमाएका छन् । यस कम्पनीको प्रति शेयर ३२ रुपैयाँले बढेर ३९७ रुपैयाँमा कारोबार भएको छ । यो कम्पनीको शेयर ९ दशमलब २२ प्रतिशतले बृद्धि भएको हो ।
यसका साथै तेह्रथुम पावर कम्पनीका शेयर धनीको प्रति शेयर ६७ रुपैयाँले बृद्धि भई ८२५ रुपैयाँमा कारोबार भएको छ । यो कम्पनीको शेयर ८ दशमलव ८४ प्रतिशतले बृद्धि भएको हो । रुरु जलबिद्युत कम्पनीको शेयर भने ७ दशमलब ४८ प्रतिशतले बृद्धि भएको छ । जसअनुरुप प्रति शेयर ७७ रुपैयाँले बृद्धि भई १ हजार १०६ रुपैयाँमा कारोबार भएको छ ।
