काठमाडौं । मंगलबार नेप्से सूचक १७.४२ अंकले सुधार हुँदा मैलुख खोला जलविद्युत र युनाइटेड इदि मार्दीका शेयरधनीले सर्वाधिक धेरै कमाएका छन् । दुबै कम्पनीको शेयर मूल्य सबैभन्दा धेरै बढ्ने क्रममा सर्किट लागेको छ ।
मैलुङको शेयर मूल्य ६२ रुपैयाँले बढेर ६८२ रुपैयाँ कायम भएको छ भने युनाइटेडको ८३ रुपैयाँले बढेर ९१८ रुपैयाँ पुगेको छ । तेस्रो धेरै बढ्नेमा सामलिङ पावर रहेको छ । यस कम्पनीको शेयर मूल्य ८.५२ प्रतिशतले बढेर ७९० रुपैयाँ कायम भएको छ ।
तेह्रथुम पावरका शेयरधनीहरुले पनि आज सर्वाधिक धेरै कमाएका छन् । कम्पनीको शेयर मूल्य ६.७६ प्रतिशतले बढेर ७५८ पुगेको छ । कर्पोरेट डेभलपमेन्ट बैंकको शेयर ६.०४ प्रतिशतले बढेर ५६२ रुपैयाँमा कारोबार भएको छ ।
अन्य कम्पनीहरु क्रमश बरुण हाइड्रोपावर ५.४३ प्रतिशत, घलेम्दी हाइड्रो ५.१५ प्रतिशत, आइसिएफसी फाइनान्स ४.८४ प्रतिशत, ङ्यादी ४.७० प्रतिशत र एभरेष्ट बैंक ३.९८ प्रतिशतले सुधार भएको छ ।
