काठमाडौं । नेपाल स्टक एक्सचेन्जले सूचिकृत संगठित कम्पनीको वर्गिकरणका लागि आवश्यक विवरण उपलब्ध गराउन निर्देशन दिएको छ । सूचिकृत सम्पुर्ण कम्पनीहरुलाई तोकिएको ढाँचामा आवस्यक विवरण सहित यहि फागुन २३ गते भित्रमा पेश गर्न नेप्सेले अनुरोध गरेको छ ।
धितोपत्र सूचिकरण विनियमावली २०७५ को विनियम ११ बमोजिम सूचिकृत संगठित संस्थाहरुको वर्गिकरण गर्नु पर्ने व्यवस्था भएकोले सोका लागि आवस्यक विवरण माग गरेको हो । कम्पनीले विगत ४ वर्षदेखि वितरण गरेको लाभांश तथा साधारणसभाको विवरण पेश गर्नु पर्नेछ । साथै पछिल्लो चार त्रैमाशिक वित्तीय विवरण, क्रेडिट रेटिङ तथा ग्रेडिङ, शेयर संरचना लगायतका विवरण पेश गर्नु पर्नेछ ।
