काठमाडौं । सोमबार सर्वाधिक धेरै नेपाल टेलिकमको शेयर कारोबार भएको छ । सोमबार २ अर्ब ९९ करोड रुपैयाँको खरिद बिक्री हुँदा नेपाल टलिकमको मात्रै २६ करोड ६५ लाख रुपैयाँको खरिद बिक्री भएको छ । आकर्षक लाभांश घोषणा गरेको जीवन विकास लघुवित्तको शेयर पनि २६ करोड तीन लाख रुपैयाँको खरिद बिक्री भएको छ । हिजो आइतबार पनि संस्थाको शेयर मूल्य सर्वाधिक धेरै कारोबार भएको छ ।
विगत लामो समयदेखि संस्थाले राम्रो लाभांश दिने अपेक्षामा शेयर होल्ड गरेर बसेकाले बिक्री गर्दा मूल्यमा भने खासै सुधार देखिएन । संस्थाले लाभांश घोषणा गरेपछि बढेको मूल्यमा बिक्री गर्ने दाउमा खरिद गरेकाले बिक्री गर्दा मूल्य बढ्न नसकेको हो ।
तेस्रो धेरै अरुण भ्याली हाइड्रोपावरको शेयर १० करोड १८ लाख रुपैयाँको कारोबार भएको छ । चौथो नम्बरमा रहेको अपि पावरको ९ करोड ५० लाख र पाँचौ नम्बरमा रहेको नेशनल हाइड्रोपावरको ८ करोड ५६ लाख रुपैयाँको खरिद बिक्री भएको छ ।
