काठमाडौं । पछिल्लो २४ घण्टामा थप २६२ जनामा कोरोना संक्रमण पुष्टि भएको छ । सोही समय कोरोना संक्रमणबाट चार जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार देशभरबाट ६ हजार ५७२ जनामा आरटीपीसीर र ३ हजार २४३ जनामा एन्टीजेन परिक्षण गरि कुल ९ हजार ८१५ जनामा कोरोना परिक्षण गरिएको थियो । जसमध्ये २६२ जनामा कोरोना संक्रमण पुष्टि भएको हो ।
आज थपिएका संक्रमितसँगै नेपालमा सक्रिय कोरोना संक्रमितको संख्या १२ हजार २४४ जना रहेको छ । साथै २४ घण्टामा १३ सय ३८ जना कोरोना मुक्त भएका छन् ।
