काठमाडौं । फेरी पेट्रोलियम पदार्थको मूल्य वृद्धि भएको छ । नेपाल आयल निगमले पेट्रोल, डिजेल र मट्टितेलमा रु तीन रुपैयाँले वृद्धि गरेको हो । आज राति १२ बजेदेखि नयाँ मूल्य लागू हुने निगमले जनाएको छ ।
नयाँ मूल्यअनुसार पेट्रोलको मूल्य १४५ रुपैयाँ पुगेको छ । डिजेल र मट्टितेलको मूल्य १२८ रुपैयाँ कायम गरिएको छ । खाना पकाउने एलपी ग्यासको मुल्य भने यथावत राखिएको छ ।
अन्तर्राष्ट्रिय बजार मूल्य अनुरूप प्रति लिटर पेट्रोल ५ रुपैयाँ ६१ पैसाले बढेको, डिजेल ५ रुपैयाँ ६२ पैसाले बढेको र हवाई इन्धन ४ रुपैयाँ ९५ पैसाले बढेर आएको निगमले जनाएको छ ।
