काठमाडौं । इमर्जिङ्ग नेपाल लिमिटेडले निष्काशन गरेको आईपीओ बाँडफाँड सम्पन्न भइसकेको छ । तर नतिजा भने केही समयपछि मात्रै हेर्न मिल्ने बिक्रि प्रबन्धक एनआइसी एशिया क्यापिटलले जानकारी दिएको छ । कम्पनीको आईपीओ नतिजा चार वटा साइटबाट हेर्न सकिनेछ ।
आईपीओको नतिजा कम्पनीको वेबसाइट, बिक्री प्रबन्धक एनआइसी एशिया क्यापिटलको वेबसाइट, सिडीएससीको मेरो शेयर र सिडीएसको नयाँ वेबसाइटबाट हेर्न सकिने छ । जस अनुसार इमर्जिङ्ग नेपाल लिमिटेडको वेबसाइट https://emergingnep.com/, बिक्री प्रबन्धक एनआइसी एशिया क्यापिटलको वेबसाइट https://www.nicasiacapital.com/ipo-result , सिडीएससीको मेरो शेयरको वेबसाइट http://meroshare.cdsc.com.npर सिडीएसले आईपीओको लागि संचालन गरेको वेबसाइट http://iporesult.cdsc.com.np बाट हेर्ने सकिने छ ।
इमर्जिङ नेपालले माघ २६ गतेदेखि फागुन एक गतेसम्म सर्वसाधारणका लागि शेयर निष्काशन तथा बिक्री खुला गर्दा २३ लाख ३१ हजार २५८ जनाको आवेदन परेको थियो । उक्त आवेदक मध्ये १५५२ जनाको आवेदन रद्द भएको छ । आज भएको बाँडफाँडका लागि जम्मा २३ लाख २८ हजार ७०६ जना मात्रै योग्य भएका छन् । योग्य आवेदकबाट २ करोड ६४ लाख कित्ताको आवेदन परेको छ । यो माग भन्दा ५१.१५ गुणा बढि आवेदन परेको हो ।
सर्वसाधारण समुहका लागि निष्काशन गरिएको ५ लाख ५५ हजार कित्ता मध्ये कर्मचारीका लागि २ प्रतिशत अर्थात ११ हजार ११२ कित्ता र सामुहिक लगानी कोषका लागि ५ प्रतिशत अर्थात २७ हजार २८० कित्ता बाँडफाँड गरिएको छ ।
