काठमाडौं । नेपाली बजारमा सुनको मूल्यमा भारी बृद्धि भएको छ । नेपाल सुन चाँदी व्यवसायी महासंघका अनुसार शुक्रबारको तुलनामा आज सुन प्रति तोला १५ सय रुपैयाँले बृद्धि भएको छ । महासंघका अनुसार आज छापावाला सुनको मूल्य प्रति तोला ९५ हजार ५ सय रुपैयाँ कायम भएको छ ।
यसैगरी तेजावी सुन प्रति तोला ९५ हजार रुपैयाँ कायम भएको महासंघले जनाएको छ ।
महासंघका अनुसार चाँदी तोलामा २० रुपैयाँले बृद्धि भई प्रति तोला १३ सय रुपैयाँमा कारोबार भइरहेको छ ।
