काठमाडौं । चालु आर्थिक वर्षको दोस्रो त्रैमाशिक अवधिमा ५७ वटा बाणिज्य बैंक, विकास बैंक तथा फाइनान्सले ३८ अर्ब ३३ करोड रुपैयाँ मुनाफा आर्जन गरेका छन् । पुस मसान्तसम्ममा सबैभन्दा धेरै ग्लोबल आइएमई बैंकले मात्रै २ अर्ब ६६ करोड रुपैयाँ मुनाफा गरेको छ । त्यस्तै दोस्रो नम्बरमा रहेको एनआईसी एशियाको २ अर्ब ४० करोड रुपैयाँ रहेको छ ।
नविल बैंकले अर्ब १८ करोड रुपैयाँ मुनाफा गर्दा राष्ट्रिय बाणिज्य बैंकको एक अर्ब ९१ करोड रुपैयाँ रहेको छ । १६ वटा बाणिज्य बैंकहरुले ६ महिनामै एक अर्ब भन्दा माथि मुनाफा आर्जन गरेका छन् । मुक्तिनाथ, महालक्ष्मी विकास बैंकले सबैभन्द कम मुनाफा गर्ने बाणिज्य बैंकहरुलाई उछिनेका छन् ।
मुक्तिनाथ विकास बैंकले ६० करोड २४ लाख मुनाफा गर्दा महालक्ष्मीको मुनाफा ५३ करोड रुपैयाँ छ । फाइनान्सहरु मध्ये सबैभन्दा धेरै वेष्ट फाइनान्सले १४ करोड रुपैयाँ मुनाफा आर्जन गरेको देखिन्छ । बैंक तथा फाइनान्स मध्ये सबैभन्दा धेरै गिन डेभलपमेन्ट बैंकको १८ लाख रुपैयाँ मात्रै रहेको छ ।
