काठमान्डौ। माघ २६ गते बुधवार नेप्से दोहोरो अंकले घटेको छ। बजार घटेसँगै कारोवार रकम पनि घटेर ३ अर्ब ४७ करोड पुगेको छ। बजार परिसूचक र कारोवार रकम दुवै घटे पनि ठूला ब्रोकरबाट भने आज आक्रामक खरिद हुन् सकेन । ठूला ब्रोकरहरुबाट बिक्री नै धेरै भएको आजको फ्लोरसिटले देखाँउछ ।
आज ब्रोकर नम्बर ५८ बाट सर्वाधिक शेयर कारोवार भएको छ । ३ अर्ब ४७ करोड कारोवार मध्ये ब्रोकर नम्बर ५८ बाट ५१ करोड बराबरको शेयर कारोवार भएको छ । ५८ नम्बर ब्रोकरबाट २२ करोड बराबरको खरिद हुँदा २८ करोड बराबरको बिक्री भएको छ । ५८ नम्बर ब्रोकरबाट खरिद भन्दा ५ करोड ४९ लाख धेरै बिक्री भएको छ।
त्यस्तै ४८ नम्बर ब्रोकरबाट पनि खरिद भन्दा २ करोड ६७ लाख धेरै बिक्री भएको छ। तेश्रोमा सर्वाधिक कारोवार गर्ने ४५ नम्बर ब्रोकरबाट भने बिक्री भन्दा ३ करोड १२ लाख धेरै खरिद भएको छ।
यसरी माघ २६ गतेको फ्लोरसिट हेर्दा सर्वाधिक शेयर कारोवार गर्ने ५ ब्रोकरमा ४ ब्रोकरबाट बिक्री धेरै भएको छ भने एउटा ब्रोकरबाट खरिद धेरै भएको छ।
