काठमाडौं । सरकारले चुनाव घोषणा गरेकै भोलिपल्ट नेप्से सूचक १६.३० अंकले घटेको छ । चुनाव घोषणा पछि शेयर बजार सुधार हुने भन्दै गएका दिनमा शेयर खरिद गर्नेहरुले नाफा बुक गर्दा शेयर बजारमा उल्टै गिरावट आएको हो । सरकारले चुनाव घोषणा गरे पनि एमसिसीको विषयलाई लिएर चुनाव हुने नहुने पनि टुङ्गो नभएको कतिपयको विश्लेषण रहेको छ । अर्को तर्फ बैंकिङ तरलता अझै सहज हुने परिस्थिति छैन । अव शेयर बजार सुधार हुनका लागि बैंकिङ तरलतामा केहि सुधार हुने संकेत पछि मात्रै बजार बढ्नेछ ।
कारोबार खुल्ने वित्तीकै सुधार हुने थालेको शेयर बजार अधिकतम २९२१ अंकसम्म पुगेको थियो । तर ५० अंक भन्दा माथिले सुधारिएको शेयर बजारमा एकाएक सेलिङ प्रेसर आउदा बजार उल्टै घट्ने लागेको थियो ।
मंगलबार नेप्से सूचक १६.३० अंकले घटेर २८३५.५८ अंकमा रोकिएको छ । कारोबार रकम ६ अर्ब २८ करोड रुपैयाँ नाघेको छ । आज सबैभन्दा धेरै नेपाल इन्स्योरेन्स कम्पनीका शेयरधनीहरुले ३.३८ प्रतिशतले कमाएका छन् । त्यस्तै सर्वाधिक धेरै गुमाउनेमा लिवर्टी इनर्जी कम्पनीका शेयरधनी छन् । आज बैंकिङ, विकास बैंकिङ, हाइड्रोपावर, फाइनान्स, अन्य, माइक्रोफाइनान्स, जीवन बीमा र लगानीको सूचकमा गिरावट देखिएको छ ।
