काठमाडौं । प्रधानमन्त्री शेर बहादुर देउवाले एमसिसी पारित गर्ने अभिव्यक्ति दिए सँगै जलविद्युत कम्पनीको शेयरमा उछाल आएको छ । विगत लामो समयदेखि जलविद्युत कम्पनीको शेयरमा भारि गिरावट देखिएको थियो । विद्युत नियमन आयोगले कतिपय जलविद्युत कम्पनीको हकप्रद शेयर निष्काशन प्रकृयाँलाई अगाडी नबढाउदा समग्र हाइड्रोपावरकै शेयर मूल्यमा गिरावट आएको थियो ।
तर जलविद्युतको प्रसारण लाइन लगायतका पुर्वाधारका आयोजना बनाउने एमसिसि पारित हुने चर्चा सँगै हाइड्रोपावर कम्पनीको शेयर मूल्यमा उछाल आएको हो । उक्त परियोजना सफल भएका खण्डमा नेपालको जलविद्युत भारत लगायतका अन्य देशमा बिक्री गर्ने बाटो खुला हुने हुँदा उनिहरुको नाफा सुनिश्चित हुनेछ ।
नेपाललाई पुग्ने जलविद्युत उत्पादन गर्ने हाइड्रोपावर कम्पनीको स्थापना भएको भन्दै नेपाल विद्युत प्राधिकरणले पिपिए गर्न बन्द गरिसकेको छ । यदि एमसिसी पारित भएका खण्डमा विद्युत निकासी गर्न सजिलो पर्ने र नेपाल विद्युत प्राधिकरणले पुनः पिपिए गर्न सक्नेछ ।
यहि कारणले मंगलबार जलविद्युतको सूचक ३.२२ प्रतिशतले बढेको छ । अधिकाम्स जलविद्युतको शेयर मूल्यमा उच्च अंकले सुधार भएको छ । सर्वाधिक धेरै बढेका १० कम्पनी मध्ये ८ वटा जलविद्युत कम्पनी छन् । त्यस्तै सर्वाधिक कारोबार हुनेमा पनि जलविद्युत कम्पनी नै छन् । लगानीकर्ताले अन्य कम्पनीहरु बिक्री गरेर जलविद्युत कम्पनीको शेयर उठाएका छन् ।
