काठमाडौं । रू रू जलविद्युत् परियोजना लिमिटेडले शेयरधनीहरुको हितग्राही खातामा बोनश शेयर जम्मा गरेको छ । कम्पनीले असोज १६ गते पारित गरेको १० प्रतिशत बोनश शेयर सम्बन्धित शेयरधनीको हितग्राही खातामा जम्मा गरेको जनाएको छ ।
कम्पनीले माघ ९ गते धितोपत्र दोस्रो बजारमा सूचीकृत गराएको उक्त बोनस शेयर असोज ६ गतेसम्म शेयर अभौतिकीकरण गराएका शेयरधनीहरुको हितग्राही खातामा जम्मा गरिदिएको हो । उक्त मितिपश्चात शेयर अभौतिकीकरण गराउने सदस्यहरुको पनि हितग्राही खातामै बोनश शेयर जम्मा गरिने कम्पनीले जनाको छ ।
हालसम्म शेयर अभौतिकीकरण नगराएका सदस्यहरुलाई यथासिघ्र गराई आफ्नो बोनश शेयर प्राप्त गर्न कम्पनीले आग्रह गरेको छ । यस वर्ष कम्पनीले विगत दुई आर्थिक वर्षको संयुक्त वार्षिक साधारण सभा सम्पन्न गरेको हो ।
कम्पनीले आर्थिक वर्ष २०७६/ ७७ का लागि १० दशमलव ५३ प्रतिशत नगद लाभांश र आर्थिक वर्ष २०७७/७८ को लागि १० प्रतिशत बोनश शेयर र कर प्रयोजनका लागि शून्य दशमलव ५३ प्रतिशत नगद लाभांश वितरण गरेको हो ।
