काठमाडौं । अभियान लघुवित्त वित्तीय संस्थाले प्राथमिक शेयर निष्काशनका लागि रेटिङ गराएको छ । केयर रेटिङ नेपालले गराएको रेटिङ अनुसार समयमा वित्तीय दायित्व पुरा गरेका खण्डमा मध्यम किसिमको जोखिम जनाउने ‘इक्रा एनपि आइआर डबल वि माइनस’ प्राप्त गरेको छ ।
अभियान लघुवित्तमा मेगा बैंक र कुमारी बैंकको मात्रै ३३ प्रतिशत हिस्सा रहेको छ । संस्थाको सञ्चालकमा दुबै बैंकका प्रतिनिधिहरु रहेका छन् । संस्थाको २० वटा जिल्लामा ४३ वटा शाखाहरु रहेका छन् ।
संस्थाले ९ करोड ७५ लाख रुपैयाँ बराबरको ९ लाख ७५ हजार कित्ता आइपिओ निष्कासन गर्दै छ । आइपिओ निष्काशन पछि संस्थाको चुक्तापूँजी २५ करोड रुपैयाँ पुग्नेछ । रेटिङ सकिए लगत्तै संस्थाले प्राथमिक शेयर निष्काशनको अनुमतिका लागि नेपाल धितोपत्र बोर्डमा निवेदन दिनेछ ।
