काठमाडौं । सिवाईसी नेपाल लघुवित्त वित्तीय संस्थाले चालू आथिृक वर्षको दोस्रो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको नाफा गत आर्थिक वर्षको दोस्रो त्रैमासको तुलनामा चालू आथिृक वर्षको सोही अवधिमा ६० प्रतिशतले नाफा बढाएको छ ।
कम्पनीले गत आर्थिक वर्षको दोस्रो त्रैमासमा ३ करोड ६३ लाख ३६ हजार नाफा कमाएकोमा चालू आर्थिक वर्षको सोही अवधिमा वृद्धि भएर ५ करोड ८१ लाख ६५ हजार रुपैयाँ नाफा कमाएको छ ।
चालू आर्थिक वर्षको दोस्रो त्रैमासमा कम्पनीको खुद ब्याज आम्दानीमा वृद्धि भएको छ ।कम्पनीको चुक्ता पूँजी ८ करोड २१ लाख ८ हजार रहेको छ भने जगेडा कोषमा १५ करोड २८ लाख २९ हजार सञ्चित रहेको छ ।
चालू आर्थिक वर्षको दोस्रो त्रैमाससम्ममा कम्पनीले १ अर्ब १ करोड ९२ लाख सापटी लिएर, १ अर्ब ११ करोड ४१ लाख निक्षेप संकलन गरी २ अर्ब ७७ करोड ४० लाख कर्जा लगानी गरेको छ ।
कम्पनीले ३ लाख ९५ हजार ३३६ कित्ता शेयर आइपीओ निष्कासन गर्ने तयारीमा रहेको हो । उक्त आईपीओ निष्कासन गर्नका लागि कम्पनीले नियामक निकाय नेपाल धितोपत्र बोर्डमा निवेदन दिइसकेको छ ।
