बैतडी । सानिमा लाइफ इन्स्योरेन्स कम्पनी डडेल्धुरा शाखाले बैतडीको सिगास गउँपालिका १ का मृतक लोक बहादुर बिष्टकी श्रीमती कमला बिष्टलाई ७ लाख ३ सय ५० रुपैया मृत्यु दाबी भुक्तानी गरेको छ । कमला बिष्टको घरमै गएर मृत्यु दाबी भुक्तानी गरेको कम्पनीले जनाएको छ ।
कमलाका श्रीमान स्वर्गीय लोकेन्द्र बिष्टले २०७८ साउन ४ गते ६ लाख ९० हजार बीमाङ्कको बीमा गरेका थिए । बीमा गरेको ३ महिनामै उनको मृत्यु भएको थियो । स्वर्गीय लोक बिष्टले पहिलो किस्ता वापत ३८ हजार ९ सय ४२ रुपैयाँ दिएका थिए ।
कार्यक्रमममा कम्पनीका डडेल्धुरा शाखाका प्रमुख दिजयराज चटौत, सिनियर एजेन्सी म्यानेजर गोपी सिह साउँद, सिगास गाउँपालिका वडा नं १ का वडा सदस्य दान बहादुर ऐरी, ब्यापारी, लगायत स्थानियहरुको उपस्थिति रहेको थियो ।
