काठमाडौं । आज शेयर बजार नेप्से परिसूचक ३० दशमलव ५१ अंकले घटेर २,८०३ दशमलव ६२ को विन्दुमा कायम भएको छ । आज २९ वटा कम्पनीको शेयर मुल्य बढेको छ भने १५८ वटा कम्पनीको शेयर मुल्य घटेको छ । आज शेयर बजार बढेको थियो । आज ट्रेडिङ,उत्पादनमुलक र इन्भेष्टमेन्ट बाहेक सबै उपसूचक रात्ताम्मे भएका छन् ।
आज २२९ वटा कम्पनीको १ करोड ६१ लाख ४७ हजार ३९० कित्ता शेयर किनबेच हुँदा ८ अर्ब ३ करोड ३२ लाख १२ हजार रुपैयाँको शेयर कारोबार भएको छ । आज सबैभन्दा धेरै नेपाल बङलादेश बैंकको शेयर कारोबार भएको छ । बैंकको २८ करोड ६९ लाख रुपैयाँको शेयर कारोबार भएको छ । आज कम्पनीको शेयर मुल्य ४ सय रुपैयाँ कायम भएको छ ।
त्यस्तै, आज हाइड्रोइलेक्ट्रिसिटीको २७ करोड ६१ लाख रुपैयाँको शेयर कारोबार भएको छ । अपि पावर कम्पनीको २४ करोड ७० लाख रुपैयाँको शेयर कारोबार भएको छ । कम्पनीको शेयर मुल्य ५१० रुपैयाँ कायम भएको छ । अपर तामाकोशीको २२ करोड ७२ लाख रुपैयाँको शेयर कारोबार भएको छ । कम्पनीको शेयर मुल्य ७०० कायम भएको छ ।
आज सबैभन्दा धेरै कर्पोरेट डेभलपमेन्ट बैंक र निफ्राका लगानीकर्ताले कमाएका छन् । यी दुई कम्पनीका लगानीकर्ताले १० प्रतिशतका दरले कमाएका हुन् । नारायणी डेभलपमेन्ट बैंकका लगानीकर्ताले ९ दशमलव ९८ प्रतिशतका दरले कमाएका छन् । मत्तय भोटेकोशीका लगानीकर्ताले ९ दशमलव ९८ प्रतिशतका दरले कमाएका छन् ।
त्यसैगरी आज सबैभन्दा धेरै हिमालयन उर्जा विकास कम्पनीका लगानीकर्ताले गुमाएका छन् । कम्पनीका लगानीकर्ताले ६ प्रतिशतका दरले गुमाएका हुन् ।
