काठमाडौं । कालिका लघुवित्त वित्तीय संस्था लिमिटेडले गत बैशाख ७ गते पारित गरेको ९ दशमलव ७३ प्रतिशत बोनश शेयर बापतको कर रकम जम्मा गर्न आग्रह गरेको छ । कम्पनीले उक्त बोनश शेयर धितोपत्र दोस्रो बजारमा सूचिकृत गराई पुस १९ गतेदेखि सम्बन्धीत शेयरधनीहरुको हितग्राही खातामा जम्मा गर्न शुरु गरिसकेको छ ।
कर बापतको रकम बैंकमा जम्मा गर्दा भौचरमा आफ्नो हितग्राही खाता नम्बर, नाम तथा सम्पर्क नम्बर अनिवार्य उल्लेख गर्न समेत कम्पनीले आग्रह गरेको छ । साविक जनसेवी लघुवित्त वित्तीय संस्था लिमिटेड र यस कम्पनी मर्ज भई २०७६ साल पुस २३ गतेदेखि एकीकृत कारोबार शुरु गरेका हुन् ।
कम्पनीले आर्थिक वर्ष २०७६/७७ को मुनाफाबाट वितरण गरेको उक्त बोनस शेयर प्रयोजनका लागि लाग्ने कर बापतको रकम एकीकृत कारोबार पश्चात शेयर खरीद गरेकाहरुको हकमा मात्र लागू हुने कम्पनीले जनाएको छ । ।
कम्पनीले बोनस शेयरको कर बापतको रकम एनएमबि बैंक लिमिटेडको वालिङ शाखामा रहेको ०४५००२६६८३८०००१९ मा जम्मा गरि दिनका लागि आग्रह गरेको हो ।
