काठमाडौं । मंगलबार दोस्रो बजारमा ४ अर्ब ३२ करोड रुपैयाँको खरिद बिक्री हुँदा सर्वाधिक धेरै कारोबार भएका १० कम्पनीको मात्रै एक अर्बको भएको छ । आज सबैभन्दा धेरै नेपाल बंगलादेश बैंकको मात्रै १४ करोड ७७ लाख रुपैयाँको खरिद बिक्री भएको छ । त्यस्तै दोस्रो धेरै नविल बैंकको १३ करोड रुपैयाँको कारोबार भएको छ । तेस्रो धेरै कारोबार भएको अपि पावरको पनि ११ करोडको खरिद बिक्री भएको छ ।
अपर तामाकोशीको १० करोड ३८ लाख रुपैयाँको कारोबार भएको छ । शिवम सिमेन्टको पनि ९ करोड ५७ लाख रुपैयाँको खरिद बिक्री भएको छ । सातौ धेरै कारोबार हुनेमा गरिमा विकास बैंकको ८ करोड ५८ लाख रुपैयाँको कारोबार भएको छ । बाँकी ज्योति विकास बैंक ८ करोड ३२ लाख, अरुण भ्याली हाइड्रोपावरको ६ करोड ९७ लाख र सिद्धार्थ बैंकको ६ करोड ७७ लाख रुपैयाँको कारोबार भएको छ ।
आज प्रस्तुत कम्पनीका लगानीकर्ताले नाफा बुक गरेका छन् । हिजोका दिनमा बढेका नविल, नेपाल बंगालदेश बैंक, अपि पावर, हिमालयन डिष्ट्रलरीका शेयरधनीले नाफा बुक गर्दा कारोबार रकम बढेको हो । अर्का थरी लगानीकर्ताहरु जसले बजार बढ्न सुरु भएको भन्दा खरिद गरेका छन् ।
