काठमाडौं । नेपाल स्टक एक्सचेन्ज नेप्सेमा आज सिभिल बैंक र रिलायन्स फाइनान्सको शेयर मूल्य समायोजन भएको हो । यी दुई कम्पनीले साधारणसभा प्रयोजनको लागि आज बुक क्लोज गर्ने निर्णय गरेसँगै मुल्य समायोजन भएको हो । पुस १९ गतेसम कायम शेयरधनीले मात्र यी कम्पनीको सभामा भाग लिन तथा प्रस्तावित लाभांश पाउन सक्नेछन् ।
सिभिल बैंकको ५ प्रतिशत बोनश शेयरपछि मूल्य समायोजन भएको हो । समायोजन पछि बैंकको शेयर मूल्य प्रति कित्ता २४५ रुपैयाँ ७१ पैसा कायम भएको छ । त्यस्तै रिलायन्स फाइनान्सको १५ प्रतिशत बोनश शेयरपछि मूल्य समायोजन भएको हो । समायोजन पछि कम्पनीको शेयर मूल्य प्रति कित्ता ४५२ रुपैयाँ १७ पैसा कायम भएको छ ।
